ابڙو اڪيڊمي Abro Academy
2020-07-24
داخلا نمبر 672
عنوان درياهي کُرو، درياھي ڪِينو
شاخ پکي
پڙهيو ويو 367
داخلا جو حوالو:
درياهي کُرو، درياھي ڪِينو
40 سينٽي ميٽر جسامت واري هن پکيءَ جا نر ماد هڪجهڙا ٿين ٿا. ميداني علائقي سان تعلق رکندڙ هن پکيءَ جو رنگ اڇو ۽ پُڇ ٻه ڦاڪو ٿئي ٿو. اونهاري ۽ بهار ۾ اکين تائين مٿي جو رنگ چمڪدار ڪارو رهندو اٿس. چهنب پيلي ۽ ٽنگون ۽ پير ڳاڙهي رنگ جا ٿينس ٿا. سياري ۾ مٿي ۽ ڪنڌ تي ڪارا کنڀ هوندا اٿس. درياهه تي شڪار ڪندو آهي. جيتوڻيڪ، خاص طور تي گروھي ناهي، ته به ھڪ وقت تي ڪيئي گڏ ٿين ٿا. پاڻيءَ ۾ بار بار ٿاڦوڙا هڻندو، مٿي ڀر ٽٻي ڏيئي مڇي کڻندو آهي ۽ اهو عمل پيو ورجائيندو آهي. آکيرو، واريءَ جي ڪنھن ڀِٽ تي يا ٻيٽن تي ٺاهي ٿو. طبيعت ۾ ويڙھاڪ آھي. حمله آور تي حملو ڪري ٿو. اهڙي موقعي تي زوردار چيخون ڪندو آهي.